Money, Happy & Bingo : 十二踏雪

Money, Happy & Bingo, 四腳踏雪 x 3隻貓 = 12腳踏雪+媽咪一個，會係個怎樣的家庭呢?

Money: Hi, 我係Money，係大佬，我係2003年8月出世，因為同媽咪同一個月出世，所以比屈了我地兩兄妹同媽咪同一日生日。我同Happy本身仲有兩個兄妹係2003年9月21日係尖沙咀比愛協d督察捉了番去領養部，好幸運(唔知道係唔係幸運，或者再等下仲有個好人家)，係9月27日媽咪同爹地兩個來看貓貓。當時我地仲"懵醒醒"四兄弟姐妹掛住睡。吖，呢個爹地又厚面皮係要叫醒我地同佢地玩喎。當時我同細佬個樣都一樣，但係就憑我一身好武功俘虜了爹地喇。我係咁多個最好身手，亦係最霸道，打空翻呢d絕對難唔到我，所以媽咪個朋友自細就叫我做"小龍"，話我成個李小龍咁喎。雖然我係霸道，但我好錫妹妹Happy架，我好怕孤獨，所以我都唔會比Happy孤獨的，只要比人隔離了，我都要叫到媽咪肯開門比我見番個妹先收聲。講到好累，Happy, 交比你.

Happy: 我Happy本身都好靚女架，當初我個懵懂媽咪揀我，就係因為我對佢"回眸一看"呢一眼，就係咁我同Money就係10月4號帶番新屋，初到貴境，真係唔太習慣，個懵懂媽咪仲係咁叫人來睇我地兩個，搞到我緊張得濟生飛滋食唔到野，瘦到得副肋骨先帶我去看醫生。就係因為咁，媽咪驚我太瘦過唔到冬天，所以係咁比野我食，依家變了個大肥妹。不過，都係因為果次大難不死，令佢兩老更加珍惜我地，亦更加細心照顧我地。我性格就好除和，係最怕睇醫生!我好大牌架，媽咪坐低，我meow 幾聲發司號令，佢就識抱我大腿上來坐按摩架喇，最高紀錄係係佢大腿睡4小時!最近，我多了個細佬，叫Bingo，Bingo!到你喇!

Bingo: 唏!我高低耳叫"Bingo"，其實我有時都好confused我係叫黑咪定Bingo，不過最近成日聽到有人對住我叫Bingo喎，我諗我叫Bingo啦。太耐的事我都唔記得喇，我只係記得，我係2004年7月中係屋企留下比媽咪發現，我當時好大膽，可以好游閒咁食飽坐係行人路中心攤係樹，所以媽咪成日驚我出事就帶我去"奶媽小雞"到，係果樹仲識到好多朋友仔添，有Highlight啦，Dirty B啦，仲有係笨五添!至於點解我高低耳，我就真係唔記得喇，不過我聽覺同健康都係好正常的!係2004年12月25日，媽咪同爹地經過多番考慮之後，終於接我番屋企，我又番去我的"原居地"，仲多了個阿哥家姐添!

View my complete profile

Sunday, April 24, 2005

單親家庭

Daddy終於係4月9日的凌晨搬走了，Money, Happy和Bingo從此變成單親家庭的小孩子。對於呢個轉變，我對你地三個感到很歉意，我不能給我3位寶貝一個完整的家。
於Daddy遷出的頭一個星期，三個寶貝，特別係Money 和Happy像是懂得及理解我心裡的痛楚，胃口跟Mummy一樣差了。依家他們三個也開始慢慢回復正常，但是，好明顯他們近日少了喪跑和玩耍，每天大多數時間都是沒精打彩的，我想他們是感受到家中的變化，少了平日的生氣。
Money, Happy & Bingo, 這段日子很多謝你們在旁邊，看著你們，特別係Money看著我哭的那種眼神，我知道你們都在替我心痛，係呢段時間我為我對你們忽略的照顧感到很對不起。我以後必會加倍愛護你們，Mummy應承你地，我會盡快買d玩具同你們玩具，回復昔日熱鬧開心的氣氛的。

Money: Daddy, 你幾時會來探我呀，我Money仔好掛住你呀。。。

Happy: Daddy, 你去了那裡呀，唔見你咁多日，我同哥哥細佬都無咩心情玩, 我地係未要做單親家庭呀?!

4月4日兒童節 - Bingo之1歲生日Party

由於唔清楚Bingo實際出生日期，但應該都係04年3月或4月，兒童節係個開心的日子，所以就將呢日定為Bingo的生日。果日好開心，好多朋友上來玩，以下係德國佬所影的相。。。

Mummy: Bingo仔，呢個生日蛋糕送比你，不過你有得睇無得食，希望你地三個健健康康快快樂樂咁成長啦!

Bingo: 今天真係開心，有好多人同我玩呢!

Money:趁d人未黎齊，等我比大家見識下我d身手啦

Happy:我一向最好客，因為有客到我就會有小食!yummy yummy

Sunday, April 10, 2005

3月25日復活節大胃王家貓Party

Money & Happy:以，Bingo, 聽聞媽咪話帶你去Cat Party喎，你就刺激啦!
Bingo: 我依家真係"心又喜，心又慌"，唔知道有幾多隻貓呢?
Money & Happy: 拿，我話過你知道呀下，為了保持我地係媽咪心目中"至高無上"的地位，你要堅持做貓的原則呀，記住有d咩事，有理無理都"fee~~~"呀，記住呀!你照做，番到你我地唔會唔認你呢個細佬架， ok?你做一次比我地聽。
Bingo: fee~~~~wu~~~~ha~~~
Money & Happy:係喇，咁你記得番來報告比我地聽個情況喇喎.
Bingo:哦。。。去片啦!