珍惜眼前

小茵的叮叮與炭炭一直是我在網上所見的貓咪中至愛的十大之一。我每天已很習慣要看看他們可愛的相片才睡覺。當我的心情很差時，網上的可愛貓相都可以令我心情平靜一點。但世事難料，上星期初還看見叮叮可愛活潑的照片，星期五突然知道叮叮得了可怕的FIP，而於星期日晚叮叮終於捱不住去了彩虹橋了。一時間很難接受這個現實，雖然小茵，叮叮和炭炭和我素未謀面，但每天看著他們的照片，已經培養了感情，看著小茵對叮叮的祝福，我也眼紅紅了，亦不懂說安慰的說話。叮叮是個很可愛的貓媽媽，又有童真又有母愛。她去年生了５個小朋友，其中兩隻給了朋友。其餘３位小朋友，小背心，肥ｂ及炭炭就跟叮叮一同留在小茵身邊。本身大好人貓合一的家庭，不知道是否"天”太妒忌他們的幸福，小背心，肥ｂ及叮叮逐一因FIP去逝，一年之內，快樂的家庭只剩下炭炭。。。炭炭，你一定要健健康康的陪著小茵，我們在你身上可以找到很多叮叮，小背心及肥ｂ的回憶。他們只是早一點到平靜的彩虹橋等我們。

生命無常，願各位珍惜眼前人/貓/狗/兔/倉鼠。。。所有所有在你們身邊的生命。當有時候，發覺好像有一陣子因一些事，一些人而忽略了他們時，抱抱他們，錫錫他們，摸摸他們，簡單的少少表達，他們一定會感受得到你的關心的。不要再吝嗇自己的心意。世上最殘酷的事情，就是在最幸福最忘形時，突然失去一些永遠再追不回來的東西－－生命。

小茵替叮叮及炭炭做的網頁：
http://dingphoto.hk.st/

Money, Happpy, Bingo及媽咪：叮叮，再見了，雖然與你素未謀面，衷心祝福你在彩虹橋這個和平世界快快樂樂的與小背心及肥ｂ生活著。(photo by 小茵）

5月20-23日旅行

今次清邁之旅，要多謝阿Ken, 阿Wing與Brenda的"俠義相助"，經上次旅行的經驗，今次多安排些人手以"輪更制"方式到我家照顧貓地，明顯效果好點，亦很感謝阿Wing及Brenda幫忙"不屎"及執拾下貓地倒亂過的地方，故今次回家不至於淩亂得嚇了一跳!

money: 快d開來看下有d咩啦。。。
Happy:以，聞到裡面好似有d野食咁喎!

貓地:喂，快d輯下有無買比我地既手信!
媽咪: 無呀!唔洗搵呀，米搞住我執野添呀唔該。

媽咪: money, 做咩咁lonely咁坐係媽咪去旅行隻鞋側邊咁發牛豆呀!
Money:媽咪，我唔係發牛豆，係發緊你皮四呀!!!吼!掉低我地去風流快活!!!!!

Bingo: 媽咪，下次帶埋我去呀!我要坐飛機~~~

浪漫滿屋

難得又有日放假可以係屋企"hair"下，太陽落山時，見兩兄妹坐在豆豆cushion齊望日落，條尾寫意的任意輕鬆的擺動，看著這情景--日落加自在的貓咪，構成一個浪漫的景象。

Mummy:你地唔覺得逼咩?
Money & Happy:唔好打搞我地聯絡兄妹情，我地都不知道幾浪漫，點會逼呢?
Mummy:頂你地唔順呀 ~~~

Mummy:你地d動作洗唔洗夾成咁呀!
Money & Happy:你唔抵得咩?

Money: 妹妹，無論家變成點，哥哥永遠都係咁撐你架，無人無貓可以代替我地兩個之間的感情架!邊個賴低你係廳，我都會叫到拆天都要救番你入房，所以，我如果又被困係沖涼缸，記得幫我叫醒媽咪幫手開門呀。知道麻。。。
Happy: 哥哥。。。

同性雙吸

一向我都有點兒覺得三個寶貝有同性戀傾向，Happy特別likey我，而Money側一向喜歡Daddy同Ken哥哥多d的，Bingo就比較我行我素，今天，終於搵到真憑實據喇!

Money:雖然我係大佬，但我有時候都想要一個依靠的

M & B: 比人發現我地搞基添!

oh, 比狗仔隊發現，即刻扮唔識。。。

5月3號肥py覆診

5月3號帶肥py覆診，醫生幫佢檢查個口，我問醫生肥py有無牙石，醫生笑住咁同我講:肥py無乜牙，得好少牙，唔知道點解!我同醫生講，我都覺得奇，成日揭開佢個口都只係見到前面d牙至到犬齒果隻，後面果d我以為太細所以看唔到。難怪佢成日食野唔咬就吞，原來係因為佢無牙咬。跟住個醫生有電話，肥py好醒，佢唔等醫生發司號令，自己"施施然"咁行番入個袋到等醫生講收工。Happy 真係好醒目呢!!!

依家由於佢食大了d消化器官，所以食一個月藥軟化d便便同等d器官縮番細，Happy 加油呀!!!

Happy: Mummy, 醫生話我個肚無上次咁實，我依家又無再周圍柯55，唔好再帶我看醫生得唔得呀?!
Mummy:你要好好的食埋呢個月藥，如果可以keep到每日有55，唔周圍柯，Mummy未唔洗再帶你去看醫生囉。
Happy:我會聽話喇!

4月23日貓party

http://www.alex.cpast.idv.hm/albums/20050423/

上個星期六貓朋友來我家時影的，當日春卷小姐帶了佢隻貓meme來玩。以下的一段短片，記得要開喇叭看，我每次看都會笑出來。話說果日好多人，Money一早就躲在床底，咁meme來的時候，我把房門關上，meme, bingo同happy在廳，咁當然佢地係咁wu... (Happy 無wu呀，好叻叻呢)，點知道meme嚇到賴尿，或許Money係房聽到Bingo係廳係咁叫，佢竟然鼓起勇氣走出廳看看有沒有異樣。估不到Money都幾緊張Bingo仔呢。

> 【本報訊】2005 年 4 月 23 日下午六時許，藍田發生貓公主 Meme 被圍案，疑兇為黑豹 Bingo 及肥 py，目擊者八名，於事發後繼續開『扒地』，輪流安撫受害者，而受害 > 者亦欣然接受，疑兇則長期 "溺" 藏於主人房內.............> > http://www.alex.cpast.idv.hm/albums/20050423/MiMi_Happy_Bingo.wmv

沖涼

難得有三日假，天氣亦開始又濕又熱，係時候幫三寶做個"下水禮"，佢地都算淡定，所以過程都幾順利，依家佢地d毛毛好靚靚爽爽呢!

Money: 變態架，搞到我成身濕晒!
Mummy:唔係呀，幾可愛呀你個濕身樣。

Happy: 聽d貓朋友講話濕完身應該望落去身型會瘦d，點解我"濕身後"個身仲係咁大份架?!

Bingo: 呢個mummy都short short地，放假神早流流起身捉我地沖涼喎!好心佢有時間就訓多d啦!

三寶: Mummy沖涼d手勢真係。。。我地唯有靠自己執手尾啦!

Money: 睇下我，幾醒! Mummy讚我好叻仔有靚仔呀!

換床單

已經好耐無換床單，經過肥py長年累月係床單到柯屎或"hide"到d屎係床單上，今天終於的起心肝換床單，最開心就當然係貓地又可以搗亂下啦，難為我搞到身水身汗!

Mummy: 喂，我仲未執完架!!!
Happy: 就係未執完先至可以比我咁搗亂法!

Bingo: 行下山先。

Money & Bingo:舖好床單，霸番個靚位先!