星期日，執屋日

呢幾天媽咪放假，星期日係屋企大掃除，我地養精蓄銳，做個”大搗亂”!

Money:搗蛋係我的強項，我要話比所有人知道!我雖然已經大個了，身型大隻了又肥了，我體格同身手仍然係咁Fit!

Bingo:媽咪執起ｄ衫去留下捐出去做慈善，我Bingo仔第一時間去搗亂下先!
Happy: 米霸住晒呀，我至喜歡入袋玩!
Bingo:吼！接招！

執完野，媽咪睇掌門人，我地搗亂完，就當然係睡下啦!

新DIY玩具

因為我呢個money玩得太狼，玩到ｄ老鼠好快爛，媽咪見長此落去都唔係辦法，於是用呢ｄ膠繩DIY玩具比我地玩，我地三兄妹都極度滿意，但媽咪話一定要係PG家長指引底下先玩得喎，因為Happy試過食落肚然後係佢pat pat到成條繩”蚊”到出來，呢個玩具壽命約１個星期，玩爛又可以再整過。

新餐具

Happy: 呢個星期有新飯兜用，自從我個飯兜打爛之後，媽咪一直未能物色到合心水的，於是我和Bingo都一直用臨時餐具頂上。今個星期二媽咪放工去買貓砂，回家途中於一間家用精品店發現這個"放nuts"的器皿，雖然佢係display goods，所以原價$1xx減到$5x元，但合晒我地三貓地用!起初還擔心會否太大要改建"snooker 檯"，幸好size又剛剛好，good buy!

yummy yummy!

Just fit for 3 cats and the snooker table!

自我介紹

呢排無乜點影相，等我地將我地最滿意的一面比大家見下順便介紹下自己先。。。

我Bingo就最容易認，高低耳，我光澤的毛毛就係當日吸引媽咪的絕招。佢成日話我係"攝石貓"最叻跟住大佬家姐周圍攝喎。

Happy:我就係Happy,係未都好靚女呢，呢個肚腩係我個標記，不過媽咪成日都叫住我減肥，又逼我做運動，查實我面懵心精，個大佬又錫我，所以媽咪有時都無我符!

呢張係我咁耐以來最欣賞的相，張我的優點完全發揮得好，成隻小型豹咁，我細個最喜歡扮lion king，有我大佬Money睇實屋企唔怕有老鼠!

Bingo著衫- 只此一次!

星期日見悶悶地，搵番去年買落的貓貓衫比貓地試著，唔知道係唔係money同happy個頭太大，我唔係好敢幫佢地穿上去，於是幫Bingo仔穿，出乎意料之外，幫佢穿衣服的過程是相當順利，但是或許衣服太逼了，Bingo穿上去好明顯不是太高興，表現得好無所適從，周圍"電地"，麻目的走。。。而Money似乎對穿衣的Bingo好有好奇的。

最後無奈的比我影相，收工!