不停下雨

這個星期，雨不停的下，黃色暴雨警告從星期五掛至星期六，聽粟米說在他屋企附近看見20多隻流浪貓，大部份也只有3-4個月大，見到身上有貓糧的粟米紛紛擁來討吃，或許因連日的大雨已好幾天沒有人餵他們食物所以到顯得很肚餓，他們為了填飽肚子，全部都在暴雨下身體被淋透了。雖說大自然係需要雨水，祈求上天能安排下雨和晴天平均分配些。看著這些小動物掙扎求存，為的是保多他們不知道還能活多久的生命，希望自私的人類能多點明白，不論人或動物，有生命的就要尊重，不要放棄自己，亦無權干涉打擾動物的世界。

雨。。。仲要落幾耐?

媽咪:Bingo仔，去年夏天好彩我及時將你交比小雞照顧，如果唔係當時得3個月大的你都未必熬得過舊年場大雨，當時好多街坊都話你好好彩，如果唔係今天你都唔知道仲有無機會係樹睡到反晒白眼發晒開口夢咁甜喇!
Bingo仔:曾經做過流浪貓的我，願天下的動物都有溫飽啦~~~

8月12日--2歲喇!

Money同Happy終於2歲喇，呢年總算過得有驚無險，係去年12月，Money就患有尿道炎，Happy，側於7月中逃過一次死門關，昨晚望著他們，再望望他們2個月大的照片，身型上的轉變，真的教我感到驕傲，能替他們擋過這麼多劫數，到現在還堅強快樂的生活，貓地的意志可加外，我亦想讚讚自己的功勞，當然，看到他們依家活潑地生活著，已經是對我最大的鼓勵及獎賞，今年，除了他們兩個各自都曾生病外，最大的欣慰，就係他們很欣然接受新成員的加入--Bingo 仔. 希望，貓地一直和我快樂的生活著，不要再嚇到媽咪鼻哥窿都無肉了。。。

寶貝們，多謝你們，教曉甚麼是堅強，忍耐，接衲和純真地表白，希望你們健健康康，快快樂樂。

Mummy: money & happy, 你地2歲喇，生性喇，要健健康康，唔好再嚇到媽咪鼻哥窿無晒肉呀!媽咪唔嚇得要專心做野搵$比你地有好d的生活，知唔知道?明唔明?
Money & Happy: 我只知道生日大晒!
Mummy:但今天都係mummy生日喎，聽話好唔好???

Mummy: money仔，你生日願望係咩?
Money:好多好多老鼠仔玩具呀!

Mummy:Happy，等媽咪幫你許願，就係成日咁Happy，快d好番晒，"朕"住有靚5柯，唔洗再成日覆診驚驚，好唔好?
Happy: 仲有，我想Mummy定時番屋企唔好要我地等開飯!!!

8月2日 覆診+打針

不經不覺，原來係麗港城遇到Bingo仔已經有1年零1個月喇，今個月就到期打防疫針，剛剛肥py又係時間覆診，於是決定一次過帶他們2個去見醫生，今次又要多謝Hebe媽百忙之中幫手"拿"貓，一個人拿著20磅實在難度幾高，亦好彩有Hebe媽幫手拿著Bingo所以我亦免去搭的士的費用。

今次第一次帶Bingo 看醫生，心情有d緊張，他原來都有4.2KG，Bingo雖然去到診所有點兒害怕，但葉醫生替他探熱，看牙各種檢查過程都相當順利，看來葉醫生給Bingo仔的高低耳及他"俊俏"的臉孔吸引著，逗得醫生笑到見牙唔見眼!在檢查期間，Bingo時常走到家姐的袋前問候她，這個細佬都算有心!

至於肥py呢，一出貓袋就哀鳴喇，或者佢仲未忘記上個月連續兩天洗腸手術的痛苦啦。葉醫生說她肚內的便便仍算多及粗，但已經無咁"hard"喇，所以他建議張Happy食藥的份量稍為增加少少。兩個月後再覆診。今次肥py體重為4.7kg, 比上個月輕了成1.1kg咁多呀!希望肥py除了腸胃方面有所改善之餘，更可以減肥啦，不過至從呢場大病之後，把她抱上手的感覺的確輕盈了不少。

Money: 聽講阿媽又要帶你地出街喎
Happy:係呀，又係看醫生囉
Bingo:家姐，聽聞今次我會同埋你去，打果d咩咩咩防疫針呀!
Mummy:你地幾個係到細細聲講乜呀???

Mummy: Bingo仔，今次比10個叻你!你去到醫生到算幾淡定又逗得醫生好開心。仲有呀，番到屋企餵你食杜蟲藥估唔到係咁容易，媽咪錫晒你!!!
Bingo:洗乜講，醫生仲讚我鵬牙乾淨添呀，阿哥家姐，學野喇!
Mummy:你鵬牙乾淨都係多得我平時幫你刷牙至喎!

Mummy: 肥py，帶你看醫生姐，唔洗飛機耳晒呀?!
Happy:唔驚就假喇!嚇到我當堂輕了成1kg。驚驚~~

Money:個個出晒街得番我一個係屋企，我要告你地"留下貓兒獨自在家"呢個罪行，wuu~~~
Mummy:你好想出街比醫生桔背脊?好呀，10月輪到你喇!