Bingo:做咩咁多隻怪手對埋來架???
posted by money, happy, bingo @ 1:04 AM
Money, Happy & Bingo : 十二踏雪
Money, Happy & Bingo, 四腳踏雪 x 3隻貓 = 12腳踏雪+媽咪一個，會係個怎樣的家庭呢?
About Me
- Name: money, happy, bingo
Money: Hi, 我係Money，係大佬，我係2003年8月出世，因為同媽咪同一個月出世，所以比屈了我地兩兄妹同媽咪同一日生日。我同Happy本身仲有兩個兄妹係2003年9月21日係尖沙咀比愛協d督察捉了番去領養部，好幸運(唔知道係唔係幸運，或者再等下仲有個好人家)，係9月27日媽咪同爹地兩個來看貓貓。當時我地仲"懵醒醒"四兄弟姐妹掛住睡。吖，呢個爹地又厚面皮係要叫醒我地同佢地玩喎。當時我同細佬個樣都一樣，但係就憑我一身好武功俘虜了爹地喇。我係咁多個最好身手，亦係最霸道，打空翻呢d絕對難唔到我，所以媽咪個朋友自細就叫我做"小龍"，話我成個李小龍咁喎。雖然我係霸道，但我好錫妹妹Happy架，我好怕孤獨，所以我都唔會比Happy孤獨的，只要比人隔離了，我都要叫到媽咪肯開門比我見番個妹先收聲。講到好累，Happy, 交比你.
Happy: 我Happy本身都好靚女架，當初我個懵懂媽咪揀我，就係因為我對佢"回眸一看"呢一眼，就係咁我同Money就係10月4號帶番新屋，初到貴境，真係唔太習慣，個懵懂媽咪仲係咁叫人來睇我地兩個，搞到我緊張得濟生飛滋食唔到野，瘦到得副肋骨先帶我去看醫生。就係因為咁，媽咪驚我太瘦過唔到冬天，所以係咁比野我食，依家變了個大肥妹。不過，都係因為果次大難不死，令佢兩老更加珍惜我地，亦更加細心照顧我地。我性格就好除和，係最怕睇醫生!我好大牌架，媽咪坐低，我meow 幾聲發司號令，佢就識抱我大腿上來坐按摩架喇，最高紀錄係係佢大腿睡4小時!最近，我多了個細佬，叫Bingo，Bingo!到你喇!
Bingo: 唏!我高低耳叫"Bingo"，其實我有時都好confused我係叫黑咪定Bingo，不過最近成日聽到有人對住我叫Bingo喎，我諗我叫Bingo啦。太耐的事我都唔記得喇，我只係記得，我係2004年7月中係屋企留下比媽咪發現，我當時好大膽，可以好游閒咁食飽坐係行人路中心攤係樹，所以媽咪成日驚我出事就帶我去"奶媽小雞"到，係果樹仲識到好多朋友仔添，有Highlight啦，Dirty B啦，仲有係笨五添!至於點解我高低耳，我就真係唔記得喇，不過我聽覺同健康都係好正常的!係2004年12月25日，媽咪同爹地經過多番考慮之後，終於接我番屋企，我又番去我的"原居地"，仲多了個阿哥家姐添!
Previous Posts
- 媽咪:Bingo,食粒陣定丸先啦!Bingo:唔食! 你整蠱我既!帶我來呢到嚇屎我咩!
- 媽咪:Bingo, 你唔好再躲入個按摩椅喇，出番來啦!Bingo:我都係比面d魚柳咋!
- 大胃王的貓咪。。。
- Bingo:呢個就係貝貝，佢係大胃王家的大佬，佢都好"好客"下，佢主動走來"同我打招呼"架，不過，我...
- Bingo:呢個就係毛毛喇，你唔好睇佢咁靜咁"柄埋一邊"，佢查實好有義氣架，當我"趙"阿貝貝時，係一...
- Bingo:呢個係乖乖，但係因為佢同有d貓夾唔到，所以要"暫時隔離"，媽咪玩毛毛棒時佢好想玩架，希望...
- 佢地就係大肚b3母子:大肚b，灰灰同曳曳喇!
- Bingo:呢個就係灰灰喇，係未好似"混血兒"咁呢?!Money & Happy: 咩係混血兒呀?B...
- Bingo: 拿，呢個就係曳曳喇，佢越大越靚女，不過係瘦d囉，佢都好斯文下，都唔知道點解佢個名會叫曳...
- Money & Happy:嘩，大胃王屋企本身都有成6隻貓喎!Bingo:係呀，等我同你地講埋仲有邊...
0 Comments:
Post a Comment
<< Home